കാറുകൾ കൂട്ടി ഇടിച്ചുള്ള അപകടത്തിൽ രണ്ടുപേർ മരിച്ചു. കാറിലുണ്ടായിരുന്ന മറ്റു മൂന്നുപേര്‍ ഗുരുതര പരിക്കുകളോടെ ആശുപത്രിയില്‍ ചികിത്സയില്‍ തുടരുകയാണ്.
കണ്ണൂർ മട്ടന്നൂരിൽ ഇന്നലെ അർദ്ധ രാത്രിയായിരുന്നു അപകടം.
അപകടത്തില്‍ അച്ഛനും മകനും മരിച്ചു. മട്ടന്നൂര്‍ പരിയാരം സ്വദേശി നവാസ്(40), മകന്‍ യാസീന്‍(5) എന്നിവരാണ് മരിച്ചത്. ഇന്നലെ അര്‍ദ്ധരാത്രി നെല്ലൂന്നി വളവില്‍ വെച്ചായിരുന്നു അപകടം സംഭവിച്ചത്. നവാസിന്റെ കുടുംബം സഞ്ചരിച്ച കാര്‍ എതിരെ വന്ന കാറുമായി കൂട്ടിയിടിക്കുകയായിരുന്നു. ഇടിയുടെ ആഘാതത്തില്‍ രണ്ട് കാറുകളും നിയന്ത്രണം വിട്ട് റോഡിന് പുറത്തേക്ക് പോയി.
