സംസ്ഥാനത്ത് എട്ടാം ക്ലാസില് ഇത്തവണ മുതല് ഓള് പാസ് ഇല്ല. ജയിക്കാന് മിനിമം മാര്ക്ക് നിര്ബന്ധമാക്കാൻ മന്ത്രിസഭാ യോഗത്തില് തീരുമാനമായി. അടുത്ത വര്ഷം ഒന്പതാം ക്ലാസിലും മിനിമം മാര്ക്ക് നടപ്പാക്കും. എഴുത്തുപരീക്ഷയ്ക്ക് ഓരോ വിഷയത്തിനും 30 ശതമാനം മാര്ക്ക് നിര്ബന്ധമാക്കും.
2026-27ല് പത്താം ക്ലാസിലും മിനിമം മാര്ക്ക് നടപ്പാക്കാനാണ് മന്ത്രിസഭാ തീരുമാനം. വിദ്യാഭാസ കോണ്ക്ലേവിന്റെ ശുപാര്ശ മന്ത്രിസഭാ യോഗം അംഗീകരിക്കുകയായിരുന്നു. ഇന്റേണല് മാര്ക്ക് കൂടുതല് നല്കുന്നതു മൂലവും ഓള് പാസ് മൂലവും സംസ്ഥാനത്ത് സര്ക്കാര് സ്കൂളുകളിലെ വിഭ്യാഭ്യാസ നിലവാരം കുറയുന്നുവെന്ന് ആരോപണം ഉയര്ന്നിരുന്നു.
