കൊല്ലം : ഈ വർഷത്തെ നവരാത്രി ആഘോഷങ്ങളുടെ ഭാഗമായി പ്രസിദ്ധമായ കൊല്ലം പരവൂർ പുറ്റിങ്ങൽ ദേവി ക്ഷേത്രത്തിൽ എം ജി മ്യൂസിക് അക്കാദമിയുടെ നവരാത്രി സംഗീതാർച്ചന – നാദരൂപിണി അരങ്ങേറും.
അക്കാദമിയിലെ കർണാടക സംഗീത വിഭാഗം കൈകാര്യം ചെയ്യുന്ന പ്രതിഭകളായ ശ്രുതി സുന്ദരേശൻ,ശ്രീധന്യ ശ്രീകുമാർ തുടങ്ങിയവർ നയിക്കുന്ന പരിപാടി ഈ മാസം നാലാം തീയതി രാത്രി ഏഴുമണിക്ക് ക്ഷേത്രത്തിലെ നവരാത്രി മണ്ഡപത്തിൽ നടക്കും.
നവരാത്രിയുടെ ഭാഗമായി നടക്കുന്ന സംഗീതക്കച്ചേരിക്ക് എം ജി മ്യൂസിക് അക്കാഡമിയുടെ ചെയർമാൻ എം ജി ശ്രീകുമാർ ആശംസകളറിയിച്ചു. പുറ്റിങ്ങലമ്മയുടേയും, മൂകാംബികാദേവിയുടെയും അനുഗ്രഹത്താൽ പരിപാടി വിജയകാരമായിരിക്കട്ടേയെന്നും,
അധ്യാപികമാരായ ശ്രീധന്യക്കും,ശ്രുതിക്കും നന്നായി പാടുവാൻ സാധിക്കട്ടേയെന്നും അവർക്കയച്ച സന്ദേശത്തിൽ പ്രിയ ഗായകൻ പറഞ്ഞു.
പരിപാടി നടക്കുന്ന ദിവസം അമേരിക്കയിൽ ആയതിനാൽ എം ജി മ്യൂസിക് അക്കാഡമിയുടെ ഫേസ്ബുക് പേജ് ലൈവ് വഴി നാദരൂപിണി കാണുമെന്നും അദ്ദേഹം കൂട്ടിച്ചേർത്തു. കൂടാതെ എം.ജി മ്യൂസിക് അക്കാഡമിയിൽ സംഗീത -നൃത്ത-വാദ്യോപകരങ്ങളിൽ വിദ്യാരംഭം വിപുലമായി നടക്കും.എം.ജി മ്യൂസിക് അക്കാഡമിയുടെ കഴക്കൂട്ടം, ജഗതി,പരവൂർ പുറ്റിങ്ങൽ ,പേയാട് എന്നീ ബ്രാഞ്ചുകളിൽ രാവിലെ എട്ടുമണിമുതൽ വിദ്യാരംഭം ആരംഭിക്കും. മുൻകൂർ അഡ്മിഷൻ എടുക്കുന്നവർക്ക് ഫോട്ടോ പതിച്ച സർട്ടിഫിക്കറ്റും നൽകും.
വിദ്യാരംഭത്തിനുള്ള രജിസ്ട്രേഷന് 9072588860 ,9567588860 എന്നീ നമ്പറുകളിൽ ബന്ധപ്പെടാവുന്നതാണ്.പ്രായഭേദമന്യേ എല്ലാവർക്കും കർണാടകം സംഗീതം,ലളിതഗാനം,സിനിമാ ഗാനം,വയലിൻ,കീബോർഡ്,ക്ലാസ്സിക്കൽ ഡാൻസ് എന്നിവയിൽ അന്നേ ദിവസം തുടക്കം കുറിക്കുവാൻ കഴിയും.
