സന്തോഷ് ട്രോഫിയിൽ കേരളത്തിന് വിജയ തുടക്കം. ആദ്യ ഗ്രൂപ്പ് മത്സരത്തിൽ കേരളം ശക്തരായ റെയിൽവേസിനെ മറുപടിയില്ലാത്ത ഒരു ഗോളിന് പരാജയപ്പെടുത്തി. ആദ്യ പകുതിയിലെ ഗോൾ വരൾച്ചക്ക് ശേഷം രണ്ടാം പകുതിയിൽ, 71-ാം മിനിറ്റിൽ മുഹമ്മദ് അജ്സൽ നേടിയ ഗോളിലൂടെയാണ് കേരളം ജയം സ്വന്തമാക്കിയത്.
നിജോ ഗിൽബർട്ടിന്റെ അസിസ്റ്റിലാണ് ഈ ഗോൾ പിറന്നത്. റെയിൽവേ പ്രത്യാക്രമണം നടത്തിയെങ്കിലും തിരിച്ചടിക്കാനായില്ല. വെള്ളിയാഴ്ച നടക്കുന്ന രണ്ടാം മത്സരത്തിൽ കേരളം ലക്ഷദ്വീപിനെ നേരിടും.
