‘ജയ ജയ ജയ ജയ ഹേ’ എന്ന സൂപ്പർ ഹിറ്റ്‌ ചിത്രത്തിനു ശേഷം, ബേസിൽ ജോസഫിനെയും പൃഥ്വിരാജിനെയും പ്രധാനകഥാപാത്രങ്ങളാക്കി വിപിന്‍ ദാസ് സംവിധാനം ചെയ്ത ചിത്രമായ ‘ഗുരുവായൂരമ്പല നടയിൽ’ ഒ.ടി.ടിയിൽ സ്ട്രീമിംഗ് ആരംഭിച്ചു.നടൻ പൃഥ്വിരാജ് നിർമ്മിച്ച ചിത്രമാണിത്.
‘കുഞ്ഞിരാമായണം’ എന്ന ചിത്രത്തിനു ശേഷം ദീപു പ്രദീപ് രചന നിർവഹിക്കുന്ന ചിത്രമാണ് ഗുരുവായൂരമ്പലനടയിൽ. നിഖില വിമൽ, അനശ്വര രാജൻ എന്നിവരാണ് നായികമാർ. തമിഴ് നടൻ യോഗി ബാബു, ജഗദീഷ്, രേഖ, ഇർഷാദ്, സിജു സണ്ണി, സഫ്‌വാൻ, കുഞ്ഞികൃഷ്ണൻ മാസ്റ്റർ, മനോജ്‌ കെ.യു. എന്നിവരാണ് ചിത്രത്തിലെ മറ്റു അഭിനേതാക്കൾ.
ഡിസ്നി പ്ലസ് ഹോട്ട്സ്റ്റാറിൽ ഇന്നുമുതലാണ് ഗുരുവായൂരമ്പല നടയിൽ സ്ട്രീമിംഗ് ആരംഭിച്ചത്.
