നടി ഹണിറോസ് നല്കിയ ലൈംഗിക അധിക്ഷേപ പരാതിയില് ബോബി ചെമ്മണൂര് കസ്റ്റഡിയില്. വയനാട്ടില് നിന്ന് കൊച്ചി പൊലീസാണ് ബോബി ചെമ്മണൂരിനെ കസ്റ്റഡിയിലെടുത്തത്.
ഹണി റോസിന്റെ പരാതിയില് ബോബി ചെമ്മണൂരിനെതിരെ ജാമ്യമില്ലാ വകുപ്പുകള് ചുമത്തിയാണ് കേസ് രജിസ്റ്റര് ചെയ്തിട്ടുള്ളത്. പരാതിയില് അന്വേഷണം നടത്താന് പ്രത്യക സംഘത്തിനും രൂപം നല്കിയിരുന്നു. എറണാകുളം സെന്ട്രല് എസിപി ജയകുമാറിന്റെ നേതൃത്വത്തിലുള്ള സംഘമാണ് അന്വേഷിക്കുന്നത്. പ്രത്യേക സംഘത്തില് സെന്ട്രല് സിഐയും സൈബര് സെല് അംഗങ്ങളും ഉള്പ്പെടുന്നു.
സ്ത്രീത്വത്തെ അപമാനിച്ചതിനും ഐടി ആക്ടുമാണ് ബോബി ചെമ്മണൂരിനെതിരെ ചുമത്തിയിട്ടുള്ളത്. ഇന്നലെ വൈകീട്ടാണ് ബോബി ചെമ്മണൂരിനെതിരെ ഹണിറോസ് പൊലീസിന് പരാതി നല്കുന്നത്. ബോബി ചെമ്മണൂരിന് പുറമെ ഹണി റോസിന്റെ പരാതിയില് രജിസ്റ്റര് ചെയ്ത സൈബര് അധിക്ഷേപ കേസുകളിലും ഫെയ്സ്ബുക്കില് നിന്ന് പൊലീസ് വിവരങ്ങള് തേടിയിട്ടുണ്ട്.
