Bhesshmashtami..

ഈ വാർത്ത ഷെയർ ചെയ്യാം

ശ്രീ പദ്മനാഭസ്വാമി ക്ഷേത്രത്തിലെ കുലശേഖരമണ്ഡപത്തിൽ എല്ലാദിവസവും രാവിലെ 8.30 മണിക്ക് നിത്യജപമായി ആരംഭിച്ച് പതിമൂന്ന് കോടി നാമജപം പൂർത്തിയാക്കി മുന്നോട്ടു പോയിക്കൊണ്ടിരിക്കുന്ന സഹസ്രനാമജപയജ്ഞത്തിന്റെ രണ്ടാംഘട്ട സമർപ്പണം ഭീഷ്മാഷ്ടമി ദിനത്തിൽ നടക്കും. 2025 ഫെബ്രുവരി 5 ബുധനാഴ്ചയാണ് ഇക്കൊല്ലത്തെ ഭീഷ്മാഷ്ടമി.

പുരാണപ്രകാരം ഭഗവാൻ കൃഷ്ണന് മുന്നിൽ ആദ്യമായി ശ്രീവിഷ്ണുസഹസ്രനാമം ചൊല്ലിയത് ഭീഷ്മപിതാമഹനാണ്. അദ്ദേഹം ഭഗവാനിൽ വിലയം പ്രാപിച്ച ദിനമായ ഭീഷ്മാഷ്ടമിക്ക് ക്ഷേത്രത്തിനുള്ളിൽ മൂന്നാവർത്തി സമൂഹ സഹസ്രനാമജപവും തുടർന്ന് കിഴക്കേനടയിൽ സമർപ്പണസഭയും ഉണ്ടാകും.

2025 ഫെബ്രുവരി 5 ബുധനാഴ്ച വൈകിട്ട് 4.30 നാണ് സഹസ്രനാമ ജപം തുടങ്ങുക. അന്നേദിവസം ജപത്തിനായി ക്ഷേത്രത്തിനുള്ളിലേക്ക് 3 മണിമുതല്‍ പ്രവേശനം ഉണ്ടാകും.
സഹസ്ര നാമ ജപത്തിനായി എത്തിച്ചേരുന്നവര്‍ ഗൂഗിള്‍ഫോമില്‍ പേര് രജിസ്റ്റര്‍ ചെയ്യുവാൻ ശ്രീപദ്മനാഭ ഭക്തമണ്ഡലി അഭ്യർത്ഥിച്ചു .


ഈ വാർത്ത ഷെയർ ചെയ്യാം

Leave a Reply

Your email address will not be published. Required fields are marked *

error: Content is protected by Journal News desk !!